خالد کھوکھر

کبھی ادھر سے کبھی ادھر سے عجیب ڈر ہے ڈرا ہوا ہوں میں اپنے ڈر سے عجیب ڈر ہے

محمد افتخار شفیع

مَیں خود کو چھوڑ کے پھر آگیا ہوں دفتر میں ترا خیال بھی آیا نہ کام کرتے ہوئے

باردو کے ذرّے جو فضاؤں میں رہیں گے پھر کیسے پرندے یہ ہواؤں میں رہیں گے

اُس کا موڈ بھی ایک پہاڑی رستہ ہے اگلے موڑ پہ جانے کیسا منظر ہو

بندھی ہے گردش ِ افلاک میرے سانسوں سے یہاں میں اپنے کسی کام سے نہیں آیا

بہت ناراض ہو ان کھڑکیوں کے شیشے مت توڑو مکینوں سے گلہ ہو تو مکاں سے کچھ نہیں کہتے

یہ اُداسی بھی کیا سہولت ہے سب تِرا پُوچھنے کو آگئے ہیں

رہینِ آب و دانہ ہی سہی آوارگی اپنی گھروں کو لوٹ آتے ہیں پرندے شام سے پہلے

شہر اجڑا ہےتو کیا تو نام اپنا یاد رکھ اپنے دروازے کی تختی صحن کے اندر لگا

خوف سے ہر شجر کا دل دھڑکا موسم آیا جہاں میں پت جھڑ کا