qabil Ajmeeri – صفحہ 2

قابل اجمیری

جھوٹے وعدوں کی لذتیں مت پوچھ آنکھ در سے لگی ہی رہتی ہے

عجیب چیز ہے خاکسترِ محبت بھی ذرا کسی نے چھوا اور آگ ابھر آئی

عمر بھر ہم سمجھ سکے نہ تجھے آج سمجھا رہی ہے تیری یاد

زندگی کتنی تیز رو ہے مگر ساتھ ساتھ آ رہی ہے تیری یاد

کچھ غمِ زیست کے شکار ہوئے کچھ مسیحا نے مار ڈالے ہیں

آخرِ شب کے ڈوبتے تارو! ہم بھی کروٹ بدلنے والے ہیں

نجانے زندگی کیسے گذر گئی, اے دوست! کہیں ٹھہر کے ترا انتظار بھی نہ کیا

گھبرا کے نا خدا نے سفینہ ڈبو دیا ہم مسکرا کے دامنِ طوفاں میں آ گئے

زمانہ کھیل رہا ہے تمہاری زلفوں سے ہمارے حالِ پریشاں کی بات کون کرے

لذتِ گردشِ ایام وہی جانتے ہیں جو کسی بات پہ اٹھ آئے ہیں میخانے سے