Month: 2021 ستمبر

کبھی لَو بڑھی تری یاد سے ،کبھی خط پکڑ کے جلا دیا کبھی شِدّتِ غمِ ہجر سے ترا نام لکھ کے مٹا دیا مری خاک کو نہیں چاہ اب، رہی دوسرے کسی چاک کی مرے کوزہ گر ترے ہاتھ نے جو بنا دیا سو بنا دیا دلِ سوختہ کا وہ داغ ہو یا وہ منتوں کا چراغ ہو ترے نام پر ترے بام پر جو جلا دیا سو جلا دیا یہاں تشنگی رہے جب تلک نہیں پھیرتے ہیں نگاہ کو یہاں ساقیوں میں رواج ہے جو بڑھا دیا سو بڑھا…

اتنی کشش ہے کیونکر مولا پانی میں آخر کس کا عکس ہے ابھرا پانی میں آیا تھا آندھی کے جھونکے کی صورت جس نے اپنا گھر ہے بنایا پانی میں آجا ہم بھی قطرہ قطرہ فرحت لیں سارا عالم جب ہے ڈوبا پانی میں اترا ہے روشن چندا اس میں یا پھر اس نے اپنا کنگن پھینکا پانی میں آخر اس میں کون نہانے آیا تھا کس نے اتنا نشّہ گھولا پانی میں اب کے برس سیلاب کچھ ایسا آیا ہے ڈوب گیا ہے سارا اثاثہ پانی میں

یہ مت سمجھنا کہ دل سنبھالے پڑے ہوئے ہیں میاں ہمیں زندگی کے لالے پڑے ہوئے ہیں یہ خواب ہے، یا تو واقعی اس ہجوم میں ہے کہ جن کے سر خم ہیں، چہرے کالے پڑے ہوئے ہیں دکھوں کو اپنے پلٹ کے دیکھو خوشی ملے گی انھی اندھیروں کے گھر اجالے پڑے ہوئے ہیں لکھا نہیں ہے، جلا نہیں ہوں، چھوا نہیں ہے نہ جانے کیوں انگلیوں پہ چھاپے پڑے ہوئے ہیں ہمارے حق میں کوئی نہیں بات کرنے والا لبوں پہ مہریں، ہوا پہ تالے پڑے ہوئے ہیں…

فقط ریگِ رواں تھی اور تنہا اک حُدی خواں تھا کہ میں تھی تھا صحرا ، آگ برساتا ہوا سورج پس ِ جاں تھا کہ میں تھی رواں تھی نیلگوںاِک گنگناتی جھیل سمتِ عشق لیکن کہیں رستے میں سدِ راہ خود میرا نگہباں تھا کہ میں تھی نہیں اترا تھا اب تک آبشاروں کی تہوں میں عکس میرا مگر لہروں کے آئینے میں کل اک چاند جُنباں تھا کہ میں تھی کہاں وہ بارگاہِ اہلِ غم کا سنگِ اسود اور کہاں میں کہ بابِ خانقاہِ شوق پر اک سایہ رقصاں…

خرد کو راس ہے ازحد خموشی جنوں نے کی ہمیشہ رد خموشی نہیں بولے جہاں پر بولنا تھا ہمی سے ہو گئی سرزد خموشی لبِ اظہار پر پہرے بٹھا کر بڑھا لیتی ہے اپنا قد خموشی کٹہرے میں کھڑا ہوں اور چپ ہوں ’جوابِ جاہلاں باشد خموشی‘ لپٹ کر مال و زر میں آ رہی ہے برائے ممبر و مسند خموشی زبانِ حق پہ تالے پڑ چکے ہیں خموشی ہے کہ سو فیصد خموشی قلم تصویر کرتا جا رہا ہے بیاں کرتی ہے خال و خد خموشی مرے آرام کے…