عابد عمر

یوں تری راہ میں پڑے ہوئے ہیں جیسے درگاہ میں پڑے ہوئے ہیں

آغا نثار

یہی نہیں کہ فقط پیار کرنے آئے ہیں ہم ایک عمر کا تاوان بھرنے آئے ہیں

یہ محبت تو وہ دریا ہے اتر کر جس میں میں نے جب لوٹ کے دیکھا تو کنارا نہیں تھا

یا اس کی آرزو مجھے لے آئی اس طرف یا میرا شوق راہ میں صحرا بچھا گیا

یہ میرا دل تو مرے پاؤں پڑ گیا کل شام یہ مجھ سے بڑھ کے ترے ہاں رسائی چاہتا ہے

یقین کر ! میں کسی اور کی امانت ہوں مرے مشام میں اپنی کوئی مہک نہ ملا

یہ اُداسی بھی کیا سہولت ہے سب تِرا پُوچھنے کو آگئے ہیں

یہ نہیں دیکھتے کتنی ہے ریاضت کس کی لوگ آسان سمجھ لیتے ہیں آسانی کو

یادِماضی کے اوراق پر جا بہ جا اب یہ تحریر ہے چاہیے تو یہ تھا ، چاہیے تو یہ تھا ، چاہیے تو یہ تھا

یہاں سے سارے پلٹ کر وہیں کو جاتے ہیں جہاں سے کوئی پلٹ کر کبھی نہیں آتا