قابل اجمیری

ابھی مشکل سے سمجھے گا زمانہ نیا نغمہ نئی آواز ہوں میں

خود اہلِ کشتی کی سازشیں ہیں کہ نا خدا کی نوازشیں ہیں وہیں تلاطم کو ہوش آیا جہاں کناروں نے ساتھ چھوڑا

آؤ اپنی زمیں کو چمکائیں چاند تاروں کا اعتبار نہیں

شوق ہو راہنما تو کوئی مشکل نہ رہے شوق مشکل سے مگر راہنما ہوتا ہے

اک جھومتے بادل نے چپکے سے کہا قابلؔ ہنگامِ گل آیا ہے، ساقی نے بلایا ہے

نہیں اب تیرے ملنے کا گماں بھی قیامت ناگہاں ہو جائے گی کیا

رہبر جو ہمیں ٹھوکریں کھانے نہیں دیتا ڈرتا ہے کہیں راستہ ہموار نہ ہو جائے

رکا رکا سا تبسم، جھکی جھکی سی نظر تمہیں سلیقۂ بے گانگی کہاں ہے ابھی

خیالِ سود نہ اندیشہ زیاں ہے ابھی چلے چلو کہ مذاقِ سفر جواں ہے ابھی

حرم کی آبرو لٹتی رہے گی یہاں بھی غزنوی آتے رہے ہیں