زلزلۂ بام ۔۔۔۔۔ خالد علیم

لرز رہا ہے مدَوّر زمیں کا سینہ ٔ سنگ
میں جاں گداختہ و دل تپیدہ، سوختہ پا
حصارِ قلعہ نما میں لرزتے شہر کے دیوار و در کو دیکھتا ہوں
یہ شہرِ بام کہ شہرِ بلند بام پہاڑوں کے درمیاں تھا کبھی
بلند بام پہاڑوں کے سنگ ِ سخت تڑخنے لگے تو ڈوب گیا
جہانِ موت کی تاریکیوں میں ڈوب گیا
کہ فتحِ مرگ نے دے دی ہے زندگی کو
دوبارہ ابد خرام شکست
ازل کے نام شکست—!!

۔۔۔۔۔۔۔۔۔۔
بام: ایران کا ایک شہر

Related posts

Leave a Comment