بیت بازی – صفحہ 50

محسن اسرار

وحشت نہیں تھی مسئلہ آراستگی کا تھا بالوں کی کانٹ چھانٹ نے چہرہ بدل دیا

خط کا جواب تو نہیں اُس نے دیا مگر کھڑکی پہ جو پڑا تھا وہ پردہ بدل دیا

بہت پچھتائے ہم بیمار ہو کر تماشا بن گیا اچھا نہ ہونا

نظر میں آسماں کی آگئے ہم ہمیں اتنا نہ اُڑنا چاہیے تھا

روز دیوار کے سائے میں تو ہم بیٹھتے ہیں یہ نہ سوچا کبھی دیوار کے پیچھے کیا ہے

کوثر جب اِن خداؤں پہ ہم کو یقیں نہیں کیوں منصفوں کے سامنے لائے ہوئے ہیں ہم

کیوں خود کو بے شناخت بنائے ہوئے ہیں ہم آ کر یہ کس کے سائے میں سائے ہوئے ہیں ہم

کوثر وہ کیا خروشِ تلاطم تھا اس گھڑی لہجے تو شبنموں کے سنائی دیے مجھے

وہ مجھ سے لڑ رہے تھے کہ میں ماں سے لڑ پڑا اس نے بھی کس مزاج کے بھائی دیے مجھے

کچھ دن تو بسو میری آنکھوں میں پھر خواب اگر ہو جاؤ تو کیا