بیت بازی – صفحہ 51

عبیداللہ علیم

کوئی رنگ تو دو مرے چہرے کو پھر زخم اگر مہکاؤ تو کیا

راہِ مضمونِ تازہ بند نہیں تا قیامت کھلا ہے بابِ سخن

گر جی میں کچھ نہیں ہے تو دیکھے ہے کیوں مجھے انگلی کو پھیر پھیر کے تیغے کی دھار پر

دم کہیں لیں گے نہ پھر تا بہ عدم تیرے کوچہ سے اگر جائیں گے ہم

کن کن حدوں کی مجھ کو اسیری عطا ہوئی کیا کیا قفس بنامِ خدائی دیے مجھے

چہرہ بہ چہرہ خواب دکھائی دیے مجھے کیا کیا سکوت تھے کہ سنائی دیے مجھے

شعر کہتے ہو تو یہ بھی کبھی سوچا تم نے شعر کے معنی و معیار کے پیچھے کیا ہے

مری تمثیل مرے دیکھنے والوں کو دِکھا میں ہوں آگے مرے کردار کے پیچھے کیا ہے

کتنے اسرار ہیں تخلیقِ جہاں کے پیچھے دیکھنا ہے کہ ان اسرار کے پیچھے کیا ہے

اے مصور ترے شہکار کے پیچھے کیا ہے فن کے پیچھے چھپے فنکار کے پیچھے کیا ہے