بیت بازی – صفحہ 52

اقبال کوثر

اقبال ساری عمر ہی جہلم میں کاٹ دی خوش حالیٔ معاش کو جاتے کہیں دبئی

تیراتے ہیں سب کے بیڑے پار لگاتے ہیں کچھ گہرے انسان سمندر جیسے ہوتے ہیں

گھر کہیں بھی نہیں ، کوئی بھی نہیں سب گلی کا گمان ہے سائیں

تیرے تعلقات پہ شک تو نہیں کوئی اندر سے توڑتے ہیں مگر واہمے مجھے

توڑے ہے کوئی پھول تو روندے کوئی سبزہ اک کھیل بنا رکھا ہے لوگوں نے چمن کو

یاد کرنا ہر گھڑی اس یار کا ہے وظیفہ مجھ دلِ بیمار کا

کب تلک ہم کو نہ آوے گا نظر دیکھیں تو کیسے ترساتا ہے یہ دیدۂ تر دیکھیں تو

سہارا دے نہیں سکتے شکستہ پاؤں کو ہٹاؤ راہ محبت سے رہنماؤں کو

اب کے ہم بچھڑے تو شاید کبھی خوابوں میں ملیں جس طرح سوکھے ہوئے پھول کتابوں میں ملیں

اگر ہم سے خوشی کے دن بھی وہ گھبرائے جاتے ہیں تو کیا اب عید ملنے کو فرشتے آئے جاتے ہیں