بیت بازی – صفحہ 53

محسن اسرار

خدا آباد رکھے اِس زمیں کو جسے دیکھو ستارہ ہو رہا ہے

بھرتے بھرتے بھرے گا وقت کے ساتھ دامنِ داستان ہے سائیں

ہمارے قرب میں گزرے ہیں اچھے دن اس کے یہ اور بات ہمیں وقت نے گزارا ہے

آخر در و دیوار کے آنسو نکل آئے ہم کو نظر آ تی ہی نہ تھی گھر کی اداسی

تجھے رُکنا ہے میرے گھر تو رُک جا مگر میں بند دروازہ کروں گا

شہر کے شہر کر دیے مسمار اپنا خلوت کدہ بناتے ہوئے

پانی پہ مذاق بن گئے ہم کشتی میں نہ تھی جگہ ہماری

ہیں جتنے رنگ سب آپس میں ملتے جا رہے ہیں مکانوں میں بھی پیدا لامکانی ہو رہی ہے

ہم خود خراب ہیں تو ہمارے لئے ظفرؔ ساری خدائی سارا زمانہ خراب ہے

وہ فتنہ خو ہم ایسے شریفوں کی بزم میں موجود تو نہیں ہے مگر ہونا چاہیے