Tag: افضل گوہر

تُو اعلٰی و ارفع ہے تُو محبوب ہے رب کا ہو سکتا ہے ہر شخص کہاں تیرے نسب کا ہر سمت چمکتے ہیں ترے نام کے جگنو جنگل بھرا رہتا ہے اجالوں سے یوں شب کا تُو ہی مجھے کملی میں چھپا لیتا ہے ورنہ میرا تو کوئی کام بھی ہوتا نہیں ڈھب کا لگتا ہے یہاں سے بھی تجھے دیکھ سکوں گا سُرمہ ہے مری آنکھ میں اب خاکِ عرب کا اب نعت کی صورت ترا اظہار کیا ہے ورنہ تو مری سوچ مرے دل میں تھا کب کا

جب تجھ سا اِس جہاں میں نہیں اور کوئی تھا پھر کیسے مان لوں کہ حسیں اور کوئی تھا مٹی سے میں تو پھوٹ پڑا پیڑ کی طرح جو ہو گیا ہے رزقِ زمیں اور کوئی تھا بس خال و خد ہی بدلے گئے ہیں وگرنہ دوست کچھ دیر پہلے مجھ سا یہیں اور کوئی تھا وہ جس سے آئنے میں لڑائی ہوئی مری اندر کا آدمی تو نہیں اور کوئی تھا تُو نے مجھے لباس سے سمجھا ہے مطمئن بے چین مجھ میں اپنے تئیں اور کوئی تھا