عبیداللہ علیم کے اشعار

عبیداللہ علیم

کچھ دن تو بسو میری آنکھوں میں پھر خواب اگر ہو جاؤ تو کیا

کوئی رنگ تو دو مرے چہرے کو پھر زخم اگر مہکاؤ تو کیا

کہاں شکست ہوئی اور کہاں صلہ پایا کسی کا عشق کسی سے نباہتا تھا میں

جب ہم ہی نہ مہکے پھر صاحب! تم بادِ صبا کہلاؤ تو کیا

تم اپنے رنگ نہاؤ میں اپنی موج اڑوں وہ بات بھول بھی جاؤ جو آنی جانی ہوئی

جو چاہے سجدہ گزارے جو چاہے ٹھکرا دے پڑا ہوا میں زمانے کی رہ گزر میں ہوں