Tag: Mohsin asrar

تو کیا چراغ جلایا نہیں ابھی اُس نے فضا کا رنگ اِدھر کچھ ہے اور اُدھر کچھ ہے

تم روایت سمجھ رہے ہو جسے صورتِ حال یہ ابھی کی ہے

تمھیں تو اور بہت کام زندگی کے ہیں وصال کی نہ کرو آرزو ہماری طرح

عاقبت کی تجھے ہے فکر بہت اور جو زندگی ابھی کی ہے؟

دلوں میں جھانکنے والی نظر کچھ اور ہوتی ہے نظر آتے نہیں جو، وہ تماشے اور ہوتے ہیں

نہیں ملو گے تو افواہ پھیل جائے گی مرا وجود خموشی نہیں، صدا ہے اب

ہم نے کچھ بھی نہیں کیا محسنؔ اور ہوتا رہا ہے کیا کیا کچھ

اُس کی محفل عجیب محفل ہے جانا کچھ ہے، وہاں سے آنا کچھ

کس محبت سے آئے ہیں سیلاب گھر میں ہوتا اگر تو بہتا کچھ