Mohsin asrar – صفحہ 8

محسن اسرار

کس سے پوچھوں یہاں پتا اپنا دھوپ کچھ کہہ رہی ہے، سایہ کچھ

تو خود بھی جاگتا رہ اور مجھ کو بھی جگاتا رہ نہیں تو زندگی کو دوسرا قصہ پکڑ لے گا

عجیب عالمِ حیرت ہے کارگاہِ حیات کسی کو دیکھنا چاہا، کوئی نظر آیا

کتنی ساکت فضا ہے دنیا کی مُڑ کے دیکھوں تو حادثہ ہو جائے

ایسا بے چہرگی کا عالم ہے آئنہ ہو تو مبتلا ہو جائے

لوگ کیوں چھپ گئے خدا جانے میں نے تو صرف روشنی کی ہے

مذاکرات سرِ وصل کامیاب رہے جو کچھ کیا تھا پس انداز چھوڑ آئے ہیں

ہمیں آ جائے گا محتاط رہنا ترے خدشے ہمارے کام کے ہیں

اسے بھی میں نے بہت خود پہ اختیار دیے اور اس طرح کہ بہت خود پہ اختیار رکھا

اِدھر اُدھر کی نہ کر گفتگو ہماری طرح کہاں پھرے گا خرابوں میں تو ہماری طرح