Urdu – صفحہ 6

ڈاکٹر امام اعظم

تمہارے جاتے ہی ہر چشم تر کو دیکھتے ہیں ہے آنسوؤں کا سمندر جدھر کو دیکھتے ہیں

جن آنکھوں نے گجرات کے دیکھے ہیں مناظر تا عمر انہیں اب نہیں آرام ملے گا

صبر کی چادر کو اوڑھے خواب گاہوں میں رہو سچ کی دنیا چھوڑ کر وعدوں کی بستی میں چلو

اعظم اسے وہ کہتے ہیں رنگوں کا ایک فن جب داغ دھبے فرش کے مخمل پہ چھا گئے

کسی کی بات کوئی بد گماں نہ سمجھے گا زمیں کا درد کبھی آسماں نہ سمجھے گا

اعظم اس وحشی دنیا میں ہم نے یہ بھی دیکھا ہے خون بہا جو اپنوں کا وہ خون اپنوں نے چاٹ لیے

دنیا کی اک ریت پرانی، ملنا اور بچھڑنا ہے ایک زمانہ بیت گیا ہے تم کب ملنے آؤ گے

پھر مری آس بڑھا کر مجھے مایوس نہ کر حاصلِ غم کو خدا را غمِ حاصل نہ بنا

تجھ سے وفا نہ کی تو کسی سے وفا نہ کی کس طرح انتقام لیا اپنے آپ سے

اس دشتِ سخن میں کوئی کیا پھول کھلائے چمکی جو ذرا دھوپ تو جلنے لگے سائے