اَوہام و عَقاید
۔۔۔۔۔۔۔۔۔۔۔
حیف دورِ بندگی میں کس کو سمجھائوں کہ ہے
صرف روحِ آدمیّت ہی اِلٰہُ العالمیں
حیف حرفِ حق سے اب تک بر سرِ پیکار ہے
عالمِ دینِ متین و مفتئ شرعِ مبیں
حیف اوہام و عقاید کے سیہ بازار میں
آج تک نورِ حقایق کی کوئی قیمت نہیں
عقل کی توہین ہے عرشِ بریں کا احترام
آ کہ اب ڈالیں بِنائے سطوتِ فرشِ مبیں
دین کے قدموں پہ قرنوں تک یہ دنیا جھک چکی
آ کہ اب دنیا کے قدموں پر جھکا دیں فَرقِ دیں
Related posts
-
حامد یزدانی ۔۔۔ سوالیہ اندیشے
سوالیہ اندیشے ۔۔۔۔۔۔۔۔۔۔۔ اس خزاں کی نئی اداسی کا رنگ کتنے برس پرانا ہے؟ زندگی مسکرا... -
خاور اعجاز ۔۔۔ امکان (نثری نظم) ۔۔۔ ماہنامہ بیاض اکتوبر ۲۰۲۳)
امکان ۔۔۔۔۔۔۔۔۔ رات کو پیدا ہونے والی تاریکی روشنی کا مطالبہ کرتے ہُوئے گھبرا جاتی ہے... -
صفدر صدیق رضی ۔۔۔ محبت (ماہنامہ بیاض لاہور اکتوبر 2023 )
محبت ۔۔۔۔۔ محبت کا مفہوم اگر جاننا چاہتے ہو تو اک شیر خوار اور معصوم بچّے...