شہزاد احمد ۔۔۔ نئی پود

نئی پود
۔۔۔۔
اُڑ کر گلِ نو بہار کی باس
آئی ہے اُداس وادیوں میں
کھلتے ہوئے سرکشیدہ پودے
ہاتھوں کو ہلا کر کہہ رہے ہیں
"اے دوڑتے وقت کے پیمبر!
جھکتے ہوئے پیڑ کو بتا دے
ٹوٹی ہوئی شاخ کو سُنا دے
یخ بستہ سمندروں سے کہہ دے
اِن کہر کی چادروں کے پیچھے
سورج کی تمازتیں جواں ہیں
اور وقت کے قافلے رواں ہیں”
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجموعہ کلام: ادھ کُھلا دریچہ
پبلشر: علی برادرز، لاہور
سنِ اشاعت: ۱۹۷۷ء

Related posts

Leave a Comment