من ہیٹن میں ایک شام …… حامد یزدانی

من ہیٹن میں ایک شام
۔۔۔۔۔۔۔۔۔۔۔۔۔۔۔۔۔۔۔

اونچی اونچی عمارتوں میں گھری
ناشناسا سی اک شناسائی
نیچے تکتی ہے بادلوں کی طرف
ادھ کھلی آنکھ کے دریچے سے
جلتا بجھتا نشان تھامے ہوئے
ٹائم اسکوئر پر رُکا لمحہ
کس گزشتہ صدی کا ماتم ہے
زندگی ہے کہ ییلو کیب کوئی
ہارن دیتی گزر ہی جاتی ہے
موت کی راہ صاف کرتی ہوئی
ایک پولیس کار۔۔۔ ایمبیولینس کوئی

شور دم توڑنے لگا یک دم

ان گنت پائوں بڑھنے لگتے ہیں
دھیرے دھیرے براڈوے کی سمت
’کسی نزدیکی روڈ پر پہنچیں‘
نیوی گیٹر پکار اُٹھتا ہے
اک بلیو ٹوتھ ، ایک سرگوشی
سرد جنگل سی شام میں کب تک
یوں ہراساں رہے گی خاموشی
موڑ مڑتی نظر سوالی ہے
یہ بھرا شہر کتنا خالی ہے !
جیسے اِن باکس میرے خوابوں کا

Related posts

Leave a Comment