ب – صفحہ 10

شاہد ماکلی

بڑھا جو سوزِ دُروں ، آپ میں پگھل گیا مَیں پھر ایک دن کسی آتش فشاں میں ڈھل گیا مَیں

بھگت رہے ہیں سزائے حیات کیوں آخر شعورؔ ہم نہیں واقف قصور سے اپنے

بارش کو بُلا رہا ہوں کب سے میں خاک اُڑا رہا ہوں کب سے

بنے ہیں کام سب اُلجھن سے میرے یہی اطوار ہیں بچپن سے میرے

بہتی ہوئی ہر چیز نظر آتی ہے لیکن آتے ہوئے سیلاب دکھائی نہیں دیتے

بدلے میں دفینے کے قطرے ہیں پسینے کے کیوں دل کی گواہی پر دیوار گرا ڈالی

بہت یاد اک بے وفا ہے مجھے وفا کا بڑا تجربہ ہے مجھے

بے سبب کون سا سینہ ہے جو شق ہوتا ہے بعض ایثار کا اک عمر قلق ہوتا ہے

بُھلا دیا، دلِ بد خو نے، دھیان کاکل کا یہ دونوں سانپ مری آستیں کے بھی نہ رہے

بوسہ لبوں کا دینے کہا، کہہ کے پِھر گیا پیالہ بھرا شراب کا، افسوس! گِر گیا