ب – صفحہ 9

نجیب احمد

بچپن کے واقعات سناتا ہے ان دنوں مجھ کو نجیب خوش نظر آتا ہے ان دنوں

بُت تو درحقیقت ہیں یادگارِ مے خانہ بچ رہے جو رندوں سے، برہمن کے کام آئے

بیعتِ حاکمِ غلط کرنا لعنتِ زندگی سمجھتا ہوں

بجھ گیا ہے الائو جذبوں کا سوچ کی رہگذر پہ تنہا ہوں

بھٹک کر آئی تھی کچھ دیر کو اِدھر دُنیا لپٹ گئی مرے دل سے کسی بلا کی طرح

بات کا حُسن ختم ہے اُن پر بات پہلے بنی سی ہوتی ہے

بے چین شام سے ہیں اَبابیل کی طرح کعبے کے رُخ اڑان کا یارا نہیں رہا

بے تعلق مَیں خود اپنے ہی گھرانے سے ہوا اور یہ سانحہ دیوار اٹھانے سے ہوا

بادل برس رہا تھا کہ اک اجنبی کی چاپ شب‘ رکھ کے دل پہ ہات بہت دور تک گئی

بستیاں چھوڑ کے صحرا کو بسانے والو! یہی کرنا تھا تو پھر اپنے گھروں کے ہوتے!