محسن احسان

تھی جن کی لَو سے دیار سخن میں تابانی وہ طاق طاق چراغِ ہنر پرانے تھے

جمیل الدین عالی

تم ایسے کون خدا ہو کہ عمر بھر تم سے اُمید بھی نہ رکھوں، نا اُمید بھی نہ رہوں

تجھے یہ کیسے بتائوں میں اختصار کے ساتھ بہت قدیم تعلق ہے انتظار کے ساتھ

تجھ سے مرا وجود سنبھالا نہ جا سکا میں نے ترا غبار بھی رکھا سمیٹ کر

تیسرا فرد مسائل کا سبب ہوتا ہے تین مصرعوں کا کبھی شعر نہیں ہو سکتا

تُو مجھے گردِ دوعالم میں لیے پھرتا ہے میں نے کیا ایسا کیا تجھ کو میسر آ کر

تیری محفل سے مجھے کُچھ نہیں لینا دینا میں تو بس یاد دہانی کے لیے آیا ہُوں!

تقدس کھو چکے میری نظر میں چراغ و منبر و محراب میرے

تو ابتدا پسند ہے میں انتہا پسند تو ابتدا کے ساتھ ہے میں انتہا کے ساتھ

تخلیقِ کائنات کا باعث ضرور تھا سمجھا اگر نہ میں تو یہ میرا قصور تھا