علی اصغر عباس

میں بسر ہوتا ہوا زیست سے باہر نکلا زندگی سانس تلک ساتھ چلی ہے مجھ میں

واجد امیر

میں گر پڑا تو اُٹھانے کا فائدہ مرے دوست! جو تھامنے ہیں تو پھر تھام لے ابھی مرے ہاتھ

مانوس یوں ہوئے نہ کبھی زندگی سے ہم کچھ اجنبی سی وہ رہی، کچھ اجنبی سے ہم

میرے کفن کے بند نہ باندھو، ابھی مجھے مِلنا ہے ایک شخص سے بانہیں نکال کر

مَیں خود کو چھوڑ کے پھر آگیا ہوں دفتر میں ترا خیال بھی آیا نہ کام کرتے ہوئے

میں نے تنہائی میں ہنسنے کی ریاضت کی ہے اب ترا سامنا کرنے میں سہولت ہوگی

میں اُس کے خوف سے راتوں کو سو نہیں سکتا وہ سانحہ جو ابھی رونما ہوا نہیں ہے

میں کبھی ہنستا بولتا بھی تھا ایک تصویر سے روایت ہے

مرا ہونا تو بنتا ہی نہیں ہےدعاؤں کی بدولت معتبر ہوں

میں جانتا ہوں کہ ہر شخص مر نہیں جاتا مگر وبا کے دنوں میں یہ ڈر نہیں جاتا