قمر رضا شہزاد

مَیں اِس طرف بھی نہیں دوسری طرف بھی نہیں جو دو دلوں میں پڑی ہے وہی لکیر ہوں مَیں

محسن اسرار

میری طرح بے تاب دکھائی نہیں دیتے یاروں کو مرے خواب دکھائی نہیں دیتے

میخانہ بھی اک کارگہِ شیشہ گری ہے پیمانہ کہیں ٹوٹ کے تلوار نہ ہو جائے

مت رقیباں کی دھر گلی میں قدم مجھ پہ اب ظلم ہر قدم مت کر

مَیں چپ ہوں اب اُسے کیسے بتاؤں کوئی اندر سے کیسے ٹوٹتا ہے

میں نکل آتا ہوں بازار کے سناٹے میں گھر میں تو خوف کا احساس نہیں رہتا ہے

میں جانتا ہوں مگر تو بھی آئنہ لے کر مجھے بتا کہ مرا اِنتخاب کیسا ہے؟

مجھے ہوتی ہے اذیّت بڑی تیّاری میں اُس کے کپڑے ہیں ابھی تک مری الماری میں

میں جو منیر اک کمرے کی کھڑکی کے پاس سے گزرااس کی چک کی تیلیوں سے ریشم کے شگوفے پھوٹے

میں چپ رہا تو مجھے مار دے گا میرا ضمیر گواہی دی تو عدالت میں مارا جائوں گا