ک – صفحہ 15

مومن

کیا تماشا ہے، جو نہ دیکھے تھے وہ تماشے دکھائے لوگوں نے

کس زمرے میں آتی ہیں یہ لمبی کالی راتیں چاند اور سورج، مان لیا، ہیں جلوہ نمائے اللہ

کُھل رہی ہے گوشہ گوشہ مجھ پہ چشمِ التفات وہ یہیں پتھر کا ہو جائے تو کیا اچھا لگے

کچھ چھپایا نہ ہم نے دُنیا سے عشق ہم نے کیا بھرے بازار

کون گنتا جوان لاشوں کو کون رکھتا دِلاوروں کا شمار

کس لیے ارد گرد کھینچ لیے دائرہ دائرہ دَر و دیوار

کوئی اپنے سوا نہیں موجود اور ہے تو ہُوا کرے کوئی

کچھ تو کم ہو یہ شورشِ دریا ڈوب جائے خدا کرے کوئی

کچھ ہیں بھی اگر ہم تو گرفتار ہیں اپنے زنجیر نظر آتی ہے آزاد ہماری

کس کو معلوم ہے یہ بے خبری کس خبر سے فرار ہے اپنا