ک – صفحہ 16

خورشید رضوی

کانٹوں سے بھرے بن میں رستے کی بنا ڈالی دے دے کے لہو، طرحِ نقشِ کفِ پا ڈالی

کیوں لوگ ہوا باندھتے ہیں ہمتِ دل کی ہم نے تو اسے گر کے سنبھلتے نہیں دیکھا

کنارِ نہر، بنفشے کی جھاڑیوں کے قریب وہ سوگوار کھڑی تھی اک اجنبی کے لیے

کیسے تصویر کریں تیرے خد و خال کو ہم تجھ کو سوچا ہے زیادہ، تجھے دیکھا کم ہے

کس کے آنے اور ٹھہرنے کی تھی وہ افواہ جب شام سے پہلے ہی گھر میں رات کروا لی گئی

کر دیا شدتِ احساس نے پتھر، توصیف کوئی روتا ہے تو اب دل نہیں دُکھتا میرا

کل مر جاتا، بہتر تھا آج تو حالت بدتر ہے

کرب کی ہاہا کار لیے جسموں میں ہم جنگل جنگل، صحرا صحرا جاتے ہیں

کیوں شکن پڑ گئی ہے ابرو پر مَیں نے تو کی ہے ایک بات کی بات

کس مسافت کے بعد پہنچا ہے تیرے رُخسار پر مرا آنسو