اسحاق وردگ

دیارِ خواب میں غالب کے ساتھ دن گزرا تو رات میر کے حجرے میں ۔۔۔شام داغ کے ساتھ

دلاور علی آزر

اُٹھنے کے لیے قصد کیا میں نے بلا کا اب لوگ یہ کہتے ہیں مقدر سے اُٹھا مَیں

ایک دنیا ہے مگر سب سے ضروری تم ہو تم مری عمر ہو اور عمر بھی پوری تم ہو

اب ترے ترک تعلق کی سمجھ آئی ہے لوگ سستے میں ملی چیز گنوا دیتے ہیں

ایک پل کا ہزارواں جُز ہے جس کے اندر بسر ہوئے ہم تم

اُس کا موڈ بھی ایک پہاڑی رستہ ہے اگلے موڑ پہ جانے کیسا منظر ہو

اُگا نہ ایسا کوئی پیڑ تیرے آنگن میںکہ جس کی شاخ پرندوں کا آشیاں ٹھہرے

اور اب دیکھیں تو گہری شام کی بیلیں سی پھیلی ہیں ابھی اس کارنس پر دھوپ سا گلدان رکھا تھا

اب تو بے رنگ اداسی ہے مری آنکھوں میں ماں بتاتی ہے میں رنگوں سے بہت کھیلتا تھا

اور آگے اس زمانے سے چلو یہ زمانہ ہے مرا دیکھا ہوا