م – صفحہ 17

عارف عبدالمتین

مجھے ہے شب خوں کی فکر لیکن انھیں ہلاکت کا ڈر نہیں ہے مرے قبیلے کے لوگ سوتے ہیں اور شب بھر میں جاگتا ہوں

مثلِ سحر لطیف تو مانندِ شب عمیق شعلہ کبھی صبا کبھی شبنم کبھی غزل

میں ایک عمر سے بھولا ہوا تھا جسم کا لمس کوئی ہوس مجھے تیری طرف اٹھا لائی

میرا خواب نہیں ٹوٹا ہر دستک پر جاگا بھی

مستوں کو ستا کے شیخ صاحب کیا اپنے خدا سے پائیے گا

میں ہوں وحشت میں گم میں تیری دنیا میں نہیں رہتا بگولہ رقص میں رہتا ہے صحرا میں نہیں رہتا

مثالِ نے ہے مرے جب تلک ہے دم میں دم فغاں ہے میرے لیے اور میں فغاں کے لیے

مری طرح سے مہ و مہر بھی ہیں آوارہ کسی حبیب کی یہ بھی ہیں جستجو کرتے

میں کیسے اپنے توازن کو برقرار رکھوں قدم جمائوں تو سانسیں اکھڑنے لگتی ہیں

مصلحت کا یہی تقاضا ہے وہ نہ مانیں تو مان جاؤ تم