چ – صفحہ 5

آشفتہ چنگیزی

چلے چلیں گے زمانے کے ساتھ بھی اک دن قبول کرنا پڑے گی یہ مات بھی اک دن

چین کی نیند سویا کرتا تھا خود سے جب رابطہ نہ تھا میرا

چمک اٹھی ہے شبِ تار تیرے ہونے سے یہ روشنی ہے لگاتار تیرے ہونے سے

چھائوں کرتا ہوں شہر میں تقسیم اپنے چہرے پہ دھوپ ملتا ہوں

چشمِ گریاں! یہ کس نے پونچھے اشک دیکھ تو کون آئے بیٹھے ہیں

چلو، رسمِ وفا ہم بھی اُٹھا دیں کوئی دن شہر میں چرچا رہے گا

چمن میں آپ کی طرح گلاب ایک بھی نہیں حضور ایک بھی نہیں، جناب ایک بھی نہیں

چاند پر جائے یا ستارے پر آدمی کا بھلا کرے کوئی

چراغ بھی دسترس سے باہر ہے اور ہوا بھی عجیب ہوتا ہے نارسائی کا سلسلہ بھی

چھائوں میں دھوپ چبھنے لگتی ہے اس کو کہتے ہیں بے وطن ہونا