بیت بازی – صفحہ 106

عرش ملسیانی

وہ مرد نہیں جو ڈر جائے ماحول کے خونی منظر سے اس حال میں جینا لازم ہے جس حال میں جینا مشکل ہے

بارش کا بدن تھا اس کا ہنسنا غنچے کا خصال اس کا حق تھا

ہمیں تو آج کی شب پو پھٹے تک جاگنا ہوگا یہی قسمت ہماری ہے ستارو تم تو سو جاؤ

ہم کو جنوں کیا سکھلاتے ہو ہم تھے پریشاں تم سے زیادہ چاک کیے ہیں ہم نے عزیزو ! چار گریباں تم سے زیادہ

ویرانوں سے آ رہی ہے آواز تخلیقِ جنوں رکی نہیں ہے

ہے کوئی یہاں شہر میں ایسا کہ جسے میں اپنا نہ کہوں اور وہ اپنا مجھے سمجھے

جو نہ دیکھا تھا آج تک ہم نے دل کی باتوں میں آ کے دیکھ لیا

علم کا راز عرشؔ بس یہ ہے کچھ ادھر کچھ ادھر سے پوچھ لیا

دے رہے ہیں اس لیے جنگل میں دھرنا جانور ایک چوہے کو رہائش کے لیے بل چاہیئے

اے مرے ضبط کو کامل نہ سمجھنے والے! قابلِ داد مری کوششِ فریاد بھی ہے