بیت بازی – صفحہ 107

قابل اجمیری

بہت دلچسپ ہیں ناصح کی باتیں بھی مگر قابل محبت ہو تو اندازِ بیاں کچھ اور ہوتا ہے

ہوش والوں کو خبر کیا: بے خودی کیا چیز ہے عشق کیجے، پھر سمجھیے: زندگی کیا چیز ہے

کر رہا تھا غمِ جہاں کا حساب آج تم یاد بے حساب آئے

ہم ایسے سادہ دلوں کو وہ دوست ہو کہ خدا سبھی نے وعدۂ فردا پہ ٹال رکھا ہے

جو بھی دیکھے وہی مشکوک نظر سے دیکھے ایک گالی ہے زمانے میں اکیلا ہونا

حسنِ ترتیب ہے دلیلِ چمن ورنہ صحرا میں کیا بہار نہیں

تمام عمر ہوا پھونکتے ہوئے گزری رہے زمیں پہ مگر خاک کا مزا نہ لیا

گر سیاست میں رہیں ایسی ہی خر بازاریاں پارلیمنٹیں خریدی جائیں گی نیلام سے

میری وحشت کی خبر گھر کو ہوئی ہے جب سے چھت یہ کہتی ہے کہ دیوار ہٹا دی جائے

حسرت! کہو کہ کس سے آنکھیں لڑائیاں ہیں ہونٹوں پہ سرد آہیں، منہ پہ ہوائیاں ہیں