بیت بازی – صفحہ 34

جاوید شاہین

جمع کرتی ہے مجھے رات بہت مشکل سے صبح کو گھر سے نکلتے ہی بکھرنے کے لیے

دن کو صحرا میں بگولوں کا سفر بھی دیکھو صبح دم باغ میں یہ رقصِ صبا خوب سہی

اسے بھی پیار کے موسم پسند ہیں جاذب سفر کی دھوپ میں جلنے شجر بھی آتا ہے

یہ کیسے خواب کی خواہش میں گھر سے نکلا ہوں کہ دن میں چلتے ہوئے نیند آ ری ہے مجھے

بہت آرزو تھی گلی کی تری سو یاں سے لہو میں نہا کر چلے

تر دامنی پہ شیخ ہماری نہ جائیو دامن نچوڑ دیں تو فرشتے وضو کریں

میں اس بدن میں اتر جاؤں گا نشے کی طرح وہ ایک بار اگر پھر پلٹ کے دیکھے گا

ہے مشقِ سخں جاری چکی کی مشقت بھی اک طرفہ تماشا ہے حسرت کی طبیعت بھی

کہوں یہ کیسے ادھر دیکھ یا نہ دیکھ ادھر کہ درد درد ہے پھر بھی نظر نظر پھر بھی

ہمیں خبر ہے کہ ہم ہیں مگر نہیں ہیں ہم ہمارا گھر ہے مگر اس میں کیا ہمارا ہے