بیت بازی – صفحہ 91

امیر قزلباش

اسی کا شہر وہی مدعی وہی منصف ہمیں یقیں تھا ہمارا قصور نکلے گا

مجھ کو میرے سب شہیدوں کے تقدس کی قسم ایک طعنہ ہے مجھے شانوں پہ سر رکھا ہوا

ہمسائیگیٔ کاکل و رخسار چھن گئی دن اپنا ہے نہ رات مگر جی رہے ہیں ہم

تو کیا چراغ جلایا نہیں ابھی اُس نے فضا کا رنگ اِدھر کچھ ہے اور اُدھر کچھ ہے

انیس دم کا بھروسا نہیں ٹھہر جاؤ چراغ لے کے کہاں سامنے ہوا کے چلے

ایک لمحہ بھی مسرت کا بہت ہوتا ہے لوگ جینے کا سلیقہ ہی کہاں رکھتے ہیں

گلشن پرست ہوں مجھے گل ہی نہیں عزیز کانٹوں سے بھی نباہ کیے جا رہا ہوں میں

دلوں کی روشنی بجھنے نہ دینا وجودِ تیرگی محکم نہیں ہے

کانٹوں سے الجھنے کی خواہش بھی نہیں رکھتے پھولوں سے محبت کا اظہار بھی کرنا ہے

گونجتے ہیں، شکیب، خوابوں میں آنے والی کسی صدی کے گیت