بیت بازی – صفحہ 90

اسحاق وردگ

تمھیں میری ضرورت بھی پڑے گی پرانے شہر کا نقشہ ہے مجھ میں

خدا کا شکر کہ رزقِ پرندگاں کے طفیل سعود مجھ کو بہت آب و دانہ ملتا ہے

میری آنکھوں کا چین ممکن ہے تم کو دیکھوں تو عین ممکن ہے

دل کے کمروں میں میاں اتنے بھی مکھڑے نہ گھسیڑ چار مرلے کا ہے گھر، برج خلیفہ تو نہیں

یہ محبت کا علاقہ ہے، یہاں دل ہی کافی ہے نگہبانی کو

تم نے اچھا ہی کیا چھوڑ گئے، ویسے بھی ایک سائے سے بھلا کیسے سنبھلتا سایہ

کچھ نہ پا کر بھی مطمئن ہیں ہم عشق میں ہاتھ کیا خزانے لگے

کچھ تمھاری نگاہ کافر تھی کچھ مجھے بھی خراب ہونا تھا

یہ کناروں سے کھیلنے والے ڈوب جائیں تو کیا تماشا ہو

سرفروشی کی تمنا اب ہمارے دل میں ہے دیکھنا ہے زور کتنا بازوئے قاتل میں ہے