Tag: محسن اسرار کے اشعار

کل رات وہ جھگڑتی رہی بات بات پر اور میں کتاب لکھتا رہا کائنات پر کیا سوچیے کہ سوچ سے آگے ہے زندگی پہرے لگا رکھے ہیں کسی نے حیات پر کیا داستاں سنائیے اُس کے وصال کی کیا تبصرہ کرے کوئی صحرا کی رات پر وحشت کوئی ضرور ہے مجھ میں چھپی ہوئی بھرتی ہے چٹکیاں جو مرے بات بات پر محسنؔ گئے دنوں کے حوالے سے ان دنوں ہم غور کر رہے ہیں نئے واقعات پر

اصل میں اچھا وہی ہے جس کو سب اچھا کہیں دین داری کے لیے بھی دنیا داری چاہیے

بستر پہ کوئی اُس کی اداکاری تو دیکھے آیا ہو کوئی جیسے بہت دور سے چل کے

اُسے بھی ہوش میں رہنے کا خبط ہے محسنؔ وہ توڑ دیتا ہے جام و سبو ہماری طرح

گم لگتے ہیں تنہائی میں اپنے لب و عارض کیا کہتا ہے آئینے سے چہرہ کسے معلوم