مبشر سعید ۔۔۔ برائے نقشِ منور شریک ہوتا ہے

برائے نقشِ منور شریک ہوتا ہے
سُخن میں سوچ کا جوہر شریک ہوتا ہے

نبیﷺ کا ذکر وہ ذکرِ عظیم ہے جس میں

مرا خدا بھی برابر شریک ہوتا ہے

خمار خانہِ دنیا فضول ہے، صاحب!

تو اس فریب میں کیوں کر شریک ہوتا ہے؟

اُسے خیال ہے یعنی تمام باتوں کا

خوشی غمی میں جو اکثر شریک ہوتا ہے

قضا کے ساتھ ہمیشہ مکالمے میں سعید

جو سر پھرا ہو وہ بہتر شریک ہوتا ہے

Related posts

Leave a Comment