چھا گئی رات شام سے پہلے
کیا ہوئی مات شام سے پہلے
اک ملاقات خواب میں ممکن
اک ملاقات شام سے پہلے
کچھ مناجات رات کو ہوں گی
کچھ مناجات شام سے پہلے
مل گیا دن میں وہ ستارہ نما
بن گئی بات شام سے پہلے
ڈھونڈتے ہیں دیے شفیق آصف
کون تھا ساتھ شام سے پہلے
Related posts
-
احمد فراز ۔۔۔ آنکھ سے دور نہ ہو دل سے اتر جائے گا
آنکھ سے دور نہ ہو دل سے اُتر جائے گا وقت کا کیا ہے گزرتا ہے... -
محمد علوی ۔۔۔ دن میں پریاں کیوں آتی ہیں
دن میں پریاں کیوں آتی ہیں ایسی گھڑیاں کیوں آتی ہیں اپنا گھر آنے سے پہلے... -
سید آل احمد ۔۔۔ سکوں ہوا نہ میسر ہمیں فرار سے بھی
سکوں ہوا نہ میسر ہمیں فرار سے بھی ملے ہیں زخم ترے قرب کی بہار سے...