محسن اسرار

مسافر سے کہو، عجلت نہ برتے ضروری ہو تو رستے میں ٹھہر جائے

ناصر علی سید

میں اپنی فکر کی تجسیم کس طرح سے کروں بریدہ دست ہوں اور شہرِ بے ہنر میں ہوں

مبارک باد بیٹی کے جنم پر دے رہے ہیں لوگ مگر مجھ سے مٹھائی کا تقاضا کیوں نہیں کرتے

مانتا ہوں کہ یہ بارش تری رحمت ہے مگر میرے معبود! میں مٹی سے بنا آدمی ہوں

مَیں اِس طرف بھی نہیں دوسری طرف بھی نہیں جو دو دلوں میں پڑی ہے وہی لکیر ہوں مَیں

میری طرح بے تاب دکھائی نہیں دیتے یاروں کو مرے خواب دکھائی نہیں دیتے

میخانہ بھی اک کارگہِ شیشہ گری ہے پیمانہ کہیں ٹوٹ کے تلوار نہ ہو جائے

مت رقیباں کی دھر گلی میں قدم مجھ پہ اب ظلم ہر قدم مت کر

مَیں چپ ہوں اب اُسے کیسے بتاؤں کوئی اندر سے کیسے ٹوٹتا ہے

میں نکل آتا ہوں بازار کے سناٹے میں گھر میں تو خوف کا احساس نہیں رہتا ہے