بیت بازی – صفحہ 58

خالد احمد

یہ عہد ایک مسیحا نفس میں زندہ تھا رہا نہ وہ بھی سلامت ، بکھر گئے ہم بھی

میں چیختا رہا کچھ اور بھی ہے میرا علاج مگر یہ لوگ تمھا را ہی نام لیتے رہے

حیرت سے نئے لوگ اسے دیکھ رہے ہیںاک شخص محبت کی زباں بول رہا ہے

کبھی گریز سے خائف ، کبھی تجاوز سے مرا رقیب مجھے اپنے اندروں سے ملا

زندگی کے دکھ ازل سے زندگی کے ساتھ ہیں لوگ فانی ہیں مگر لوگوں کے دکھ فانی نہیں

کوئی ستم نیا نہیں ، کوئی کرم نیا نہیں مرکزِ التفات بھی ، جاں ، ہدفِ خدنگ بھی

ہزار سانحے پردیس میں گزرتے ہیں جو ہو سکے تو ذرا ہم سے رابطہ رکھنا

کہاں شکست ہوئی اور کہاں صلہ پایا کسی کا عشق کسی سے نباہتا تھا میں

تم بھی ہو میری طرح بکھرے ہوئے کہہ رہے ہیں آئنے ٹوٹے ہوئے

کس کس کی زبان بند کرتا خود اپنے ہی ہونٹ سی رہا ہوں