بیت بازی – صفحہ 57

شاہین عباس

خاک پر خاک اُڑا ئی ہے ، محبت کی ہے شہر کو شہر کی تعمیر سے پہچانا ہے

سن رہے ہیں وہ انہماک کے ساتھ کوئی تو بات واقعات میں ہے

اُسے کہنا کہ میں حساس بھی ہوں جو پاگل ہو گیا تو کیا کروں گا

اُسے کہنا کہ میں حساس بھی ہوں جو پاگل ہو گیا تو کیا کروں گا

نہ منصوبے بنا شام و سحر کے میں اتنی زندگی کا کیا کروں گا

راس ہے سب کو مرے خون پسینے کی مہک یعنی میں سارے گھرانے کے لئے زندہ ہوں

قریب آنے کی تمہید ایک یہ بھی رہی وہ پہلے پہلے ذرا فاصلے سے گزرے گا

ہم نے وقت جھیلا ہے، ہم نے دن گزارے ہیں تم سے کون پوچھے گا، جاو، جا کے سو جاو

کچھ ایسے ٹوٹتا ہے پیڑ سے پھل کہ جیسے کوئی ناتا ٹوٹتا ہے

وہ دسترس سے دور سہی ، اس کے باوجود یہ ہے دماغ ، اس میں خلل ہونا چاہیے