بیت بازی – صفحہ 64

اکبر معصوم

جس منظر کو دیکھنے والا کوئی نہ ہو ایسا منظر دیکھنے والا ہوتا ہے

عقبیٰ کی باز پرس کا جاتا رہا خیال دنیا کی لذتوں میں طبیعت بہل گئی

کوئی تصویر مکمل نہیں ہونے پاتی دھوپ دیتے ہیں تو سایا نہیں رہنے دیتے

جان پہچان سے بھی کیا ہوگا پھر بھی اے دوست! غور کر، شاید

ہر قدم پر نت نئے سانچے میں ڈھل جاتے ہیں لوگ دیکھتے ہی دیکھتے کتنے بدل جاتے ہیں لوگ

مشہور ہے دروازے پہ دستک کی کہانی دیوار میں در ہونے کا قصہ کسے معلوم

یہ حسرت رہ گئی کیا کیا مزے سے زندگی کرتے اگر ہوتا چمن اپنا گل اپنا باغباں اپنا

مت کرو شمع کوں بدنام جلاتی وہ نہیں آپ سیں شوق پتنگوں کوں ہے جل جانے کا

کسی کے لب پہ چراغِ دعا نہیں جلتا ہر ایک شخص کی جیسے زبان کالی ہے

ہذیان بک رہا ہوں سخن کے بجائے میں تنبیہ کر رہا ہوں کہ مجنوں سنے مجھے