بیت بازی – صفحہ 65

غلام حسین ساجد

اُن کو پانے کی تمنا نہیں جاتی دل سے کیا منور ہیں ستارے مری تابانی سے ؟

فقیروں سے سنا ہے ہم نے حاتم مزا جینے کا مر جانے میں دیکھا

نہ کہو یہ کہ یار جاتا ہے دل سے صبر و قرار جاتا ہے

کون سے زخم کا کھلا ٹانکا آج پھر دل میں درد ہوتا ہے

اب کے جنوں میں فاصلہ شاید نہ کچھ رہے دامن کے چاک اور گریباں کے چاک میں

حسابِ دوستاں دَر دل تقاضا ہے محبت کا مثل مشہور ہے الفت سے الفت آ ہی جاتی ہے

یہ اور بات دل تھے کدورت کی خستہ قبر لہجوں میں نکہتوں سے بھرا بانکپن ملا

کیا بات چھپا رکھی ہے تو نے سرِ مژگاں چہرے پہ ترے انجمن آرائی بہت ہے

شغل بہتر ہے عشق بازی کا کیا حقیقی وہ کیا مجازی کا

خدا کے واسطے اس کو نہ ٹوکو یہی اک شہر میں قاتل رہا ہے