بیت بازی – صفحہ 97

قابل اجمیری

زمانہ کھیل رہا ہے تمہاری زلفوں سے ہمارے حالِ پریشاں کی بات کون کرے

ظلمتِ دیر و حرم سے کوئی مایوس نہ ہو اک نئی صبح ابھرنے کو ہے میخانے سے

تمام عمر تیرا انتظار ہم نے کیا اس انتظار میں کس کس سے پیار ہم نے کیا

خدا کرے کہ سنے تو زبانِ خاموشی ترے پڑوس میں کچھ بے زبان رہتے ہیں

پھونک دیتے زمانے کو، جلوے تِرے وہ تو کہیے کہ ہم درمیاں آگئے

منتظر ہوں گے کئی دن سے کسی کے شاید لوگ حسرت سے جو رستوں کی طرف دیکھتے ہیں

کتنی ساکت فضا ہے دنیا کی مُڑ کے دیکھوں تو حادثہ ہو جائے

ایسا بے چہرگی کا عالم ہے آئنہ ہو تو مبتلا ہو جائے

اپنے گلشن میں جب بہار آئی کوئی شائستہ بہار نہ تھا

ہمیشہ شمع بھڑکے گی، سدا پیمانہ چھلکے گا تری محفل میں ہم چھوڑ آئے ہیں جوشِ بیاں اپنا