اے شاہِ شہاں تیرے در پہ کھڑا ہوں علی کے گھرانے کا ادنیٰ گدا ہوں! مری چشمِ تر میں یہ آنسو نہیں ہیں میں آبِ نظر سے وضو کر رہا ہوں مرے مولا مجھ کو بھی توفیق دے دے میں طیبہ کی گلیوں کو تکنے چلا ہوں وفورِ الم سے بدن تر بتر ہے! بشاشت سے گرچہ میں سب سے ملا ہوں ہر اک موج اب بھی یہ چِلا رہی ہے میں اصغر کے تشنہ لبوں کی صدا ہوں مدینے میں ہوں ختم سانسیں یہ خالق لیے آرزو سوئے طیبہ…

جو ستارے کبھی آنکھوں سے اٹھائے گئے تھے لہو روتے ہوئے مٹی میں بجھائے گئے تھے آنکھ میں ٹوٹے ہوئے کانچ کے ٹکڑوں سے ہیں ہائے وہ لوگ جو خوابوں میں بسائے گئے تھے اپنی تکمیل کو پہنچے ہی نہیں ہیں اب تک جانے ہم کونسی مٹی سے بنائے گئے تھے اس قدر خوف تھا باتوں کا ہماری کہ نہ پوچھ ہم زباں کاٹ کے دربار میںلائے گئے تھے اس زمیں پر جو ہمیں بھیجا گیا تھا تو ہم آسمانوں کی زمینوں سے اٹھائے گئے تھے رستہ ہموارانھوں نے ہی…

انتظار ۔۔۔ سہانے موسموں کی راہ تکتے مری آنکھیں بھی اب پتھرا گئی ہیں مری آشاؤں کی کلیوں کے اوپر خزائیں ہی خزائیں چھا گئی ہیں سہانے موسموں کے راستوں میں ابھی تو دور تک پتھر پڑے ہیں ابھی تو دور تک خنجر گڑے ہیں مگر اب بھی ہیں تیری راہ تکتے مری پتھرائی آنکھوں کے جھروکے کبھی تو آئیں گے مجھ کو منانے دلِ ویران کا گلشن کھلانے کبھی تو ختم ہو گی یہ اذیت یہ لمبی انتظارِ یار کی رت۔۔۔!

کڑی سی دھوپ میں تو، دل مرا گھبرا گیا ہے مرے آنچل کا سایا میرے من کو بھا گیا ہے ترے لہجے کے خنجر نے، مرا دل چیر ڈالا یہی اک روگ ہائے! میرے دل کو کھا گیا ہے نجانے کیا تھا اس کے دل میں جو بولا نہیں پر وہ باتیں کرتے کرتے ایک دم شرما گیا ہے سلامی دے رہے ہیں پھول پودے آج گل کو کوئی نقشہ بہاروں کا، انہیں دکھلا گیا ہے