ہُوئے ہیں ہم فدا بادِ صبا کے
کہ آتی ہے گلی سیں دل رُبا کے
صنم کس بند سیں پہنچوں ترے پاس
ہزاروں بند ہیں تیری قبا کے
کر اوس سوزن پلک نے دِل مشبک
حمایت کے کیے ہیں بند ناکے
ہوئے مستِ الست اس دور میں ہم
لیے ہیں اپنے سر وعدے بلا کے
نہ ہوں بے گانہ کیوں ہر آشنا سیں
کہ ہیں ہم آشنا نا آشنا کے
بسایا قول دے ویرانہء دل
سبب کیا ہے کہ بھیجا غم کے ڈاکے
سراج اُس چشمِ وحشی کوں کیا رام
ہرن عاشق ہوئے اُس کی صدا کے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجموعہ کلام: کلیاتِ سراج
قومی کونسل برائَ فروغِ اُردو زبان، نئی دہلی
دوسرا ایڈیشن: ۱۹۹۸ء
