نعت رسول پاک صلی اللہ علیہ و آلہ وسلم
۔۔۔۔۔۔۔۔۔۔
قیامت میں ہر شخص حیرت زدہ ہے
مرے اشک ہیں، دامنِ مصطفیٰ ہے
یہ کون آج دُنیا میں پیدا ہُوا ہے
زمیں کی زیارت کو عرش آ گیا ہے
یہ کیوں سانس اُکھڑی ہوئی ہے بُتوں کی
یہ کیوں چہرہء کفر اُترا ہُوا ہے
دیے ہیں کہ جلتے چلے جا رہے ہیں
یہ کیوں آج اتنی مودب ہَوا ہے
یہ جشنِ ولادت ہے اُس محترم کا
بشر ہو کے بھی جو حبیبِ خدا ہے
درِ کعبہ بھی ہے درِ کعبہ لیکن
درِ مصطفیٰ پھر درِ مصطفیٰ ہے
خمار اپنے آقا کو کیا منہ دکھائے
گنہگار ہے، سر جھکائےکھڑا ہے
۔۔۔۔۔۔۔۔۔۔۔۔۔۔۔
