جولائی 30, 2026 – صفحہ 2

ناظم علی خان ہجر

ہاں ہاں تمہارے حسن کی کوئی خطا نہیں میں حسنِ اتفاق سے دیوانہ ہو گیا

مجھ میں ہے یہی عیب کہ اوروں کی طرح میں چہرے پہ کبھی دوسرا چہرا نہیں رکھتا

کہاں تک تھی خوشی کے ساتھ وابستگی غم کی ذرا شیرازہ بندی دیکھیۓ اجزاۓ عالم کی

الٰہی زندگی کیا ، موت کیا بیمارِ ہجراں کی پریشاں خواب وہ ، تعبیر یہ خوابِ پریشاں کی

جا کے جن تازہ مزاروں پہ چراغاں کرنا ایک ٹوٹی ہوئی تربت پہ بھی احساں کرنا

ہمارے تن پہ کوئی قیمتی قبا نہ سہی غزل کو اپنی مگر خوش لباس رکھتے ہیں

کھلی نہ مجھ پہ بھی دیوانگی مری برسوں مرے جنون کی شہرت ترے بیاں سے ہوئی

اک دن وہ میرے عیب گنانے لگا فراغ جب خود ہی تھک گیا تو مجھے سوچنا پڑا

نہ جانے کیسا سمندر ہے عشق کا جس میں کسی کو دیکھا نہیں ڈوب کے ابھرتے ہوئے

تمھارا چہرہ تمہیں ہو بہ ہو دکھاؤں گا میں آئنہ ہوں، مرا اعتبار تم بھی کرو