ت – صفحہ 4

اسحاق وردگ

تمھیں میری ضرورت بھی پڑے گی پرانے شہر کا نقشہ ہے مجھ میں

تم نے اچھا ہی کیا چھوڑ گئے، ویسے بھی ایک سائے سے بھلا کیسے سنبھلتا سایہ

تو کیا چراغ جلایا نہیں ابھی اُس نے فضا کا رنگ اِدھر کچھ ہے اور اُدھر کچھ ہے

تم روایت سمجھ رہے ہو جسے صورتِ حال یہ ابھی کی ہے

تمھیں تو اور بہت کام زندگی کے ہیں وصال کی نہ کرو آرزو ہماری طرح

تم تکلف کو بھی اخلاص سمجھتے ہو فراز دوست ہوتا نہیں ہر ہاتھ ملانے والا

تو خود بھی جاگتا رہ اور مجھ کو بھی جگاتا رہ نہیں تو زندگی کو دوسرا قصہ پکڑ لے گا

تمام عمر تیرا انتظار ہم نے کیا اس انتظار میں کس کس سے پیار ہم نے کیا

تو کہ یکتا تھا بے شمار ہوا ہم بھی ٹوٹیں تو جا بجا ہو جائیں

ترے چھپنے سے چھپیں گی نہ ہماری یادیں تو جہاں ہوگا وہیں ذکر ہمارا ہوگا