م – صفحہ 21

جاوید شاہین

مَیں کیسے کاٹ دوں یہ خشک شاخ ِ دل شاہین کسے خبر کبھی اس پر ثمر نکل آئے

مَیں اپنی انگشت کاٹتا تھا کہ بیچ میں نیند آ نہ جائے اگرچہ سب خواب کا سفر تھا مگر حقیقت میں آ بسا ہوں

مَیں اِک شجر کی طرح رہ گزر میں ٹھہرا ہوں تھکن اُتار کے تُو کس طرف روانہ ہُوا

مرنے کی آرزو مرے دل سے لپٹ گئی جینے کا اِک بہانہ مرے ہاتھ آ گیا

مَیں کِس کے ہاتھ پہ اپنا لہو تلاش کروں تمام شہر نے پہنے ہوئے ہیں دستانے

مرے نجمِ خواب کے رُو بہ رُو کوئی شے نہیں مرے ڈھنگ کی یہ فلک ہے کشتِ غبار سا، یہ زمیں ہے پانی کے رنگ کی

ملّاح سرفگندہ، مسافر تھکے ہوئے اُتریں گے کیسے پار، ہوا سامنے کی ہے