Category: ہ

ہو گیا چرخِ ستم گر کا کلیجا ٹھنڈا مر گئے پیاس سے دریا کے کنارے بچے

ہمارا کیا ہمیں تو ڈوبنا ہے ڈوب جائیں گے مگر طوفان جا پہنچا لبِ ساحل تو کیا ہو گا

ہے کامیابیٔ مرداں میں ہاتھ عورت کا مگر تو ایک ہی عورت پہ انحصار نہ کر

ہمیں تو آج کی شب پو پھٹے تک جاگنا ہوگا یہی قسمت ہماری ہے ستارو تم تو سو جاؤ

ہم کو جنوں کیا سکھلاتے ہو ہم تھے پریشاں تم سے زیادہ چاک کیے ہیں ہم نے عزیزو ! چار گریباں تم سے زیادہ

ہے کوئی یہاں شہر میں ایسا کہ جسے میں اپنا نہ کہوں اور وہ اپنا مجھے سمجھے

ہوش والوں کو خبر کیا: بے خودی کیا چیز ہے عشق کیجے، پھر سمجھیے: زندگی کیا چیز ہے

ہم ایسے سادہ دلوں کو وہ دوست ہو کہ خدا سبھی نے وعدۂ فردا پہ ٹال رکھا ہے