ہجر کا بھی امکان کہاں تھا وصل کا بھی ارمان کہاں تھا ہر آواز پہ لوٹ آیا تھا مجھ جیسا نادان کہاں تھا کوفہ والے بدل گئے تھے جو کہتے تھے مان کہاں تھا وصل کے منظر لکھنا چاہے ہجر مرا عنوان کہاں تھا تو میری پہچان ہوا ہے میں تیری پہچان کہاں تھا تم تو اِک انمول رتن تھے عشق کا یہ تاوان کہاں تھا صحرا صحرا گزر ہوا ہے رخت کہاں ، سامان کہاں تھا
Read MoreCategory: آج کی غزل
سرور فرحان ۔۔۔ بظاہر تو اجالے بانٹتے ہیں وہ زمانے میں
بظاہر تو اجالے بانٹتے ہیں وہ زمانے میں مگر مخلص نہیں اندر کی تاریکی مٹانے میں چلو اے زندگی! جائو ملیں گے پھر کہیں دونوں مجھے کچھ وقت لگ جائے گا خود کو آزمانے میں میں کب کا بِک چکا یارو! عوض میں اک تبسم کے عبث مصروف ہو اب تم مری قیمت لگانے میں جو کہتا تھا کبھی یک جان دو قالب ہیں ہم دونوں وہ اب مصروف ہے کیوں درمیاں دیوار اُٹھانے میں اگر اتنے میں مل جائے دلِ ناشاد کو فرحت تجھے زحمت ہے کیا اے جاں!…
Read Moreیوسف خالد ۔۔۔ ہمارے ذوقِ رفاقت سے بے خبر ٹھہری
ہمارے ذوقِ رفاقت سے بے خبر ٹھہری حیاتِ حلقۂ احباب مختصر ٹھہری جنوں کی کار گزاری پہ حرف آیا ہے کہ بور بور ریاضت بھی بے ثمر ٹھہری برنگِ گل میں رہا تازگی سے ہم رشتہ مرے مزاج کی خوشبو نگر نگر ٹھہری وہ جس نے لفظوں کی حرمت کو معتبر رکھا اسی کی ذات زمانے میں معتبر ٹھہری نئے مزاج نے سب کچھ بدل دیا یکسر پرانی سوچ کی یلغار بے اثر ٹھہری چمن کی سیر عجب تازگی کی حامل تھی ہوائے صبح سے ہر بات خوب تر ٹھہری…
Read Moreاظہر فراغ ۔۔۔ اس لیے بھی میرے ماتھے پر شکن کوئی نہیں
اس لیے بھی میرے ماتھے پر شکن کوئی نہیں صبر کرنے کے علاوہ آپشن کوئی نہیں اس کے اترن بھی مکمل جسم ہیں اپنی جگہ ان بھری الماریوں میں پیرہن کوئی نہیں خواب کی آسائشوں نے کر دیا غافل ہمیں پتھروں پر سو رہے ہیں اور چبھن کوئی نہیں ہر کسی کے واسطے محبوب کا نعم البدل سچ کہوں تو چاند جیسا بدچلن کوئی نہیں واپسی پر شاخ بھی ہوتی نہیں اپنی جگہ ہم پرندوں سے زیادہ بے وطن کوئی نہیں
Read Moreمنصور فائز ۔۔۔ ہوش دن رات ڈھونڈتا تھا میں
ہوش دن رات ڈھونڈتا تھا میں اتنا مدہوش ہو گیا تھا میں دائروں میں چراغ جلتے تھے اور محور پہ جل رہا تھا میں سبز ہونے میں وقت لگتا ہے زرد شاخوں پہ کھل رہا تھا میں لے کے دھاگے کئی مزاروں سے ایک دوجے سے باندھتا تھا میں میرے سینے پہ نقش ابھرتے رہے اک زمانے میں راستہ تھا میں لوگ سمجھے کہ کھو گیا ہوں کہیں پسِ منظر چھپا ہوا تھا میں
Read Moreشبیر نازش ۔۔۔ دو غزلیں
اسی پہ آنکھ ٹھہرتی ہے پیارا لگتا ہے ہمیں جو دیکھ لے ہنس کے، ہمارا لگتا ہے اسی کی بات سنے اور اسی کی بات کرے ہمارے دل پہ اسی کا اِجارہ لگتا ہے پھٹا لباس نہ دیکھ اس کی بات غور سے سن مجھے وہ شخص محبت میں ہارا لگتا ہے ادب میں عہدے نہیں‘ کام بولتا ہے میاں! وہ ایک شخص اکیلے ادارہ لگتا ہے جو شخص ڈوب رہا ہو شکستِ ذات کے بیچ بھنور بھی دور سے اس کو کنارہ لگتا ہے یہ شعر گوئی ہے یہ…
Read Moreرضی رضوی ۔۔۔ مفہوم جب تک اُن سے گھمایا نہیں گیا
مفہوم جب تک اُن سے گھمایا نہیں گیا باتوں میں اُن کی ہم سے بھی آیا نہیں گیا نشو و نما ہو کیسے ہمارے وجود کی ہم سے ترا فریب بھی کھایا نہیں گیا خود آگیا تو اس لیے رکھنا پڑا اِسے یہ شعر کھینچ تان کے لایا نہیں گیا پایا نہیں گیا جو رہا ہم کو دستیاب اور گم ہوا تو ہم سے گنوایا نہیں گیا یاروں کی بے رخی ہے یقینا عروج پر کب سے مرا مذاق اُڑایا نہیں گیا
Read Moreامجد اسلام امجد ۔۔۔ غزلِ مسلسل
غزلِ مسلسل مانا بہ دیر ایک سی حالت نہیں رہی پر کیا کریں کہ صبر کی طاقت نہیں رہی کچھ بھی نہیں تھا پاس تو رہتے تھے جب بھی خوش اور اب کسی بھی چیز میں لذّت نہیں رہی چھاتا نہیں ہے ذہن پہ وہ وصل ہو کہ ہجر شاید لہو کی آگ میں شدّت نہیں رہی دنیا کے تو حساب سے ہم کامیاب ہیں البتہ خود سے ملنے کی فرصت نہیں رہی ہم کیوں زمیں کا بوجھ بنے تم کو اس سے کیا تم پر تو بے وفائی کی…
Read Moreغلام حسین ساجد ۔۔۔ حصارِ خواب سے باہر مرا دھواں پہنچا
حصارِ خواب سے باہر مرا دھواں پہنچا مَیں رات نیند میں چلتے ہوئے کہاں پہنچا مِرے عمل نے مِرے روز و شب بدل ڈالے مجھے تو اپنی تگ و تاز سے زیاں پہنچا کسی بچھڑتے ہوئے خواب کی رفاقت کو مِرے یقین سے پہلے مِرا گماں پہنچا تمام رات درختوں نے انتظار کِیا پرندے لَوٹ کر آئے نہ کارواں پہنچا کسی نے ساری طلسمات کو بدل ڈالا مَیں بامِ یار تلک جب بھی پَرفشاں پہنچا مجھے تو وقت سے پہلے وہاں پہنچنا تھا مگر مَیں اور بھی تاخیر سے وہاں…
Read Moreغلام حسین ساجد ۔۔۔ کہیں چراغ مِلا اور کہیں ستارا مِلا
کہیں چراغ مِلا اور کہیں ستارا مِلا سو مَیں جمالِ شبِ خواب سے دوبارہ مِلا نہیں تو اپنے ہی سائے پہ گِر پڑی ہوتی مِرے وجود سے دیوار کو سہارا مِلا پلٹ کے دیکھنا ممکن نہیں کہ وحشت میں کہاں کسی کو کسی یاد کا کنارا مِلا کسی طرح مجھے تقسیم کر دیا اُس نے کسی کو آدھا مِلا اور کسی کو سارا مِلا تمام رات جب آنکھوں میں کاٹ لی مَیں نے سحر کے وقت مجھے کوچ کا اشارہ مِلا عدو پہ فتح کی ساعت قریب جب آئی مِرا…
Read More